8 декабрь, Кесе йома

30 сентябрь 2013 йыл, 18:11

1 октябрҙән Башҡортостанда «комендант сәғәте» ике сәғәткә арта

автор: Людмила Терновая

1 октябрҙән Башҡортостанда «комендант сәғәте» урындағы ваҡыт менән киске 10-дан алып иртәнге 6-ға тиклем дауам итәсәк. Бындай норма «Башҡортостан Республикаһында бала хоҡуҡтарының төп гарантиялары тураһында»ғы БР законында яҙылған. Уға ярашлы, 17 йәше тулмаған балаларға төндә ата-әсәһеҙ йәмәғәт урындарында йөрөү тыйыла.

Раҫланған ҡағиҙәләрҙе боҙған осраҡтарҙа 500-1000 һум күләмендә адинистратив штраф һалынасаҡ. Ҡабаттан административ хоҡуҡ боҙоу осрағында бер мең һумдан алып ике мең һумға тиклем штрафҡа тарттырыласаҡтар.

Иҫегеҙгә төшөрәбеҙ, төнгө ваҡыт октябрҙән апрелгә ҡәҙәр 22 сәғәттән иртәнге 6-ға  тиклем, ә май айынан сентябргә тиклем — 24 сәғәттән иртәнге 6-ға хәтлем.

темалар: ҡануниәт