9 декабрь, Йома

30 сентябрь 2013 йыл, 17:22

«Тамыр» телеканалының «Преград.net» филмы «Дитятко» Халыҡ-ара фестивалендә еңде

автор: Ғәлиә Нәбиева

«Тамыр» балалар һәм үҫмерҙәр телеканалы абруйлы «Дитятко» Халыҡ-ара балалар телевидение фестивалендә бер юлы ике еңеү яулаған. «Преград.net» фильмы «Балалар студияһының иң яҡшы документаль фильмы» номинацияһында еңгән. Ә Егор Антипин «Иң яҡшы алып барыусы» тип танылған. Ул «Тау-тау хәбәр»ҙе алып бара.

Конкурстың абруйлы наградаһын «ТЕЛЕШКО» балалар телевидение мәктәбе лә яуланы. «Перекличка» программаһы журналистары иң яҡшы тележурналистар тип табылды.

V Халыҡ-ара «Дитятко» балалар телевизион фестивале 28 сентябрҙә Харьковта тамамланды. Ул балалар өсөн программалар төҙөгән балалар ижади телевизион студиялар, коллективтар һәм айырым авторҙар, телевидение компаниялары һәм берләшмәләре, продюссерлыҡ үҙәктәре араһында үткәрелә. Фестиваль Халыҡ-ара статусҡа эйә. Ҡатнашыусылар иҫәбендә БДБ  дәүләттәре һәм сит илдәрҙең эре балалар студиялары.