11 декабрь, Йәкшәмбе

30 сентябрь 2013 йыл, 9:31

Иглинда прокуратура үҙ ҡарарын үҙгәртергә йыйына

автор: Ольга Мортазина

Иглин район суды Иглин ауыл советының элекке башлығын, үҙ вазифаһы менән файҙаланып, мөлкәтте үҙләштереүҙә ғәйепле тип таныны һәм 53 йәшлек экс-чиновникҡа  150 мең һум күләмендә штраф һалды. БР Прокуратураһы матбуғат хеҙмәтендә, район прокурорҙары хөкөм ҡарарын сиктән тыш йомшаҡ тип табып, ҡарарҙы ҡайтанан ҡарарға йыйына, тип хәбәр иттеләр.

«Былтыр майҙа муниципалитеттың элекке етәксеһе район үҙәген төҙөкләндереүгә тип 50 мең һумдан ашыуға металл черепица алыуға килешеү төҙөй, әммә уны Ягодная ауылындағы үҙ йортоноң түбәһен ябыуға тотона. Үҙләштереү факты прокурор тикшереүе ваҡытында асыҡланды. Хөкөм ителеүсе үҙ ғәйебен тулыһынса таныны һәм урындағы бюджетҡа килтерелгән зыянды тулы күләмдә кире ҡайтарҙы», — тип хәбәр иттеләр ведомствола.