5 декабрь, Дүшәмбе

25 сентябрь 2013 йыл, 15:28

Башҡортостандың ете мәктәбе Рәсәйҙең алдынғы мәктәптәр исемлегендә

автор: Эльмира Сабирова

Башҡортостандың ете мәктәбе Рәсәйҙең алдынғы ауыл мәктәптәре исемлегенә ингән. «Учительская газета» хәбәр итеүенсә, исемлек «Новости» Рәсәй мәғлүмәт агентлығы төркөмө ярҙамында Мәскәү өҙлөкһөҙ математик белем биреү үҙәге тарафынан әҙерләнгән.

Ауыл мәктәптәре исемлегенә ни бары 54 белем биреү учреждениеһы ингән. Улар рәтендә беҙҙең республиканан Ауырғаҙы районының Кәбәс ауылы, Миәкә районының Оло Кәркәле ауылы, Өфө районының Булгаков, Дыуан районының Вознесенка ауылы, Шаран районының Шаран ауылындағы 1-се һәм Мичуринск ауылындағы М.Фәрхутдинов исемендәге урта белем биреү мәктәптәре һәм Туймазы ҡалаһының Серафимовка ауылындағы 1-се урта белем биреү мәктәбе.