5 декабрь, Дүшәмбе

24 сентябрь 2013 йыл, 13:12

Өфөлә йылытыу миҙгеле башланды

автор: Розалия Вәлиева

Дүшәмбе, 23 сентябрҙә, Өфөнөң балалар баҡсалары, мәктәптәр, юғары уҡыу йорттары, дауалау-профилактика учреждениелары, торлаҡ йорттар һәм башҡа социаль-көнкүреш объекттарының үҙәктән йылылыҡ менән тәьмин ителгән системаларына йылы бирелә башланы, тип хәбәр иттеләр Йәмәғәтселек менән бәйләнештәр идаралығынан.

Йылытыу миҙгеле башланыуы тураһында рәсми иғлан иткәнгә тиклем балалар баҡсаларына һәм мәктәптәргә йылы бирелгәйне инде. Өфөнән тыш, Благовещен һәм Ағиҙел ҡалаларында ла йылытыу миҙгеле башланыуы тураһында ҡарар ҡабул ителде. Ошо көндәрҙә республиканың башҡа ҡалаларында ла йылы бирелә башлаясаҡ.