8 декабрь, Кесе йома

23 сентябрь 2013 йыл, 14:01

Башҡортостанда ямғырлы һауа торошо һаҡланасаҡ

автор: Галина Бахшиева

Был аҙнала Башҡортостанда тотороҡло һауа торошо һаҡланасаҡ.

Рәсәй Гидрометеорология үҙәге мәғлүмәттәренә ярашлы, республиканың күпселек райондарында аҙна һуңына тиклем көндәр болотло буласаҡ, бер аҙ ямғыр яуасаҡ.

Һауа температураһы аҙнаның тәүге өс көнөндә плюс 12-15 градустан артмаясаҡ. Төнөн туғыҙ градустан да йылыраҡ көтөлмәйәсәк.

Кесе йоманан, 26 сентябрҙән алып төбәктең ҡайһы бер райондарында көндөҙ плюс биш-туғыҙ  градусҡа тиклем һәм төндәрен плюс бер-өс градусҡа тиклем һыуытасаҡ.

Дөйөм алғанда, Волга буйы федераль округы территорияһының күпселек өлөшөндә 24 сентябрҙә көслө ямғыр яуыуы һәм секундына 15 метрҙан алып 20 метрға тиклем тиҙлектә ел иҫеүе көтөлә, тип иҫкәртә  Рәсәй Гидрометеорология үҙәге.

темалар: һауа торошо