Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 60.00 ↑

EUR 66.79 ↓

22 июнь, Кесе йома

Уфа   °

Башҡортостанда тәбиғәт ҡомартҡылары тикшерелә

Йәмғиәт

БР Тәбиғәттән файҙаланыу һәм экология министрлығының территориаль идаралыҡтары һәм комитеттары хеҙмәткәрҙәре тәбиғәт ҡомартҡыларын тикшерә.

— Бындай эш Башҡортостандың айырыуса һаҡланған тәбиғәт территорияларына инвентаризация үткәреүгә әҙерлек сиктәрендә башҡарыла, — тип аңлатты министрлыҡтың матбуғат секретары Нина Никандрова. – Тәбиғәт ҡомартҡыларының торошона баһа биреү, айырыуса һаҡланған тәбиғәт территорияларының яңыларын ойоштороу өсөн ҡиммәтле тәбиғәт объекттарын асыҡлау, шулай уҡ республиканың айырыуса һаҡланған тәбиғәт территорияларының дәүләт кадастры мәғлүмәттәрен яңыртыу тикшеренеүҙәрҙең төп маҡсаттары булып тора.

Уның һүҙҙәренсә, БР Тәбиғәттән файҙаланыу һәм экология министрлығының Сибай территориаль комитеты хеҙмәткәрҙәре тәбиғәт ҡомартҡыларын тикшереүҙе тамамлаған да инде. Баймаҡ, Ейәнсура, Хәйбулла һәм Йылайыр райондарында йәмғеһе 15 тәбиғәт ҡомартҡыһы иҫәпләнә.

Шулай итеп, Хәйбулла районының Юлбарыҫ ауылы янындағы 170 йыллыҡ ҡарағас айырыуса ҙур әһәмиәткә эйә. Бөгөнгө көндә ул Урал аръяғы далаларында иң ҡарт ағас иҫәпләнә.

— Тәбиғәт ҡомартҡыһының торошо урындағы властың даими иғтибарында тотола, — тип билдәләй БР Тәбиғәттән файҙаланыу һәм экология министрлығының Сибай территориаль комитеты хеҙмәткәрҙәре. – Бында ҡарағасты һаҡлау буйынса саралар йыш үткәрелә. Быйыл тәбиғәт ҡомартҡыһын уратып алған ҡоймалар яңыртылды, мәғлүмәт стендтары урынлаштырылды, эргә-тирәләге биләмәләр төҙөкләндерелде.

Министрлыҡтан хәбәр итеүҙәренсә, республикала тәбиғәт ҡомартҡыларын тикшереү буйынса эштәр дауа итә.

Яндекс цитирования
Рейтинг ресурсов "УралWeb" -->
закрыть