10 декабрь, Шәмбе

20 сентябрь 2013 йыл, 13:57

Рәсәй Юристар ассоциацияһы Башҡортостанда Бушлай юридик ярҙам көнөн үткәрә

автор: Людмила Терновая

Рәсәй Юристар ассоциацияһының төбәк бүлексәһе йома, 20 сентябрҙә, Бушлай юридик ярҙам көнөн үткәрә. Көн дауамында Өфөләге 16 адрес буйынса һәм республика буйынса 23 урындағы бүлексәлә граждандарға торлаҡ, ғаилә, хеҙмәт, гражданлыҡ хоҡуҡтарына ҡағылышлы юридик мәсьәләләр буйынса хоҡуҡи ярҙам күрһәтеләсәк.

Барлыҡ һорауҙарға «Рәсәйҙең Юристар ассоциацияһы» дөйөм Рәсәй йәмәғәт ойошмаһының урындағы бүлексәләре вәкилдәре, БР Прокуратураһы хеҙмәткәрҙәре, Федераль дәүләт теркәүе, кадастр һәм картография хеҙмәтенең Башҡортостан буйынса идаралығы белгестәре, адвокаттар яуап бирәсәк.

Рәсәй Юристар ассоциацияһының төбәк бүлексәһенән хәбәр итеүҙәренсә, бындай Бушлай юридик ярҙам көндәрен улар квартал һайын ойоштора. Консультация алыу өсөн алдан яҙылыу мотлаҡ түгел.