8 декабрь, Кесе йома

20 сентябрь 2013 йыл, 13:38

Өфөлә Бөтә Рәсәй йәш рапирасылар турниры үтәсәк

автор: Дмитрий Слезин

20-23 сентябрҙә Өфөлә, 5-се Республика спорт йүнәлешендәге мәктәп-интернатында, 20 йәшкә тиклемге рапирасылар араһында Бөтә Рәсәй турниры үтәсәк.

Ярыштарҙа Рәсәйҙең 10 төбәгенән 59 рапирасы ҡатнашасаҡ. Улар араһында – Марат Бакиров, Асҡар Хәмзин (Өфө), Антон Захариков (Мәскәү), Александр Пивоваров, Алексей Валеров (Мәскәү өлкәһе), Илья Дегтярев, Дмитрий Трофимов (Ярославль өлкәһе), Алексей Чуев (Түбәнге Новгород), Николай Бобылев (Ҡазан).

БР Йәштәр сәйәсәте һәм спорт министрлығынан хәбәр итеүҙәренсә, 21 сентябрҙә, ярыштар тамамланғас, барлыҡ теләүселәр өсөн ойоштороусылар семинар үткәрәсәк, сараны халыҡ-ара категориялы судья Татьяна Ермакова алып барасаҡ.