4 декабрь, Йәкшәмбе

18 сентябрь 2013 йыл, 14:50

Төбәктә Мәҙәниәт йылының иң яҡшы эмблемаһына конкурста еңеүсе 40 мең һум аҡса аласаҡ

автор: Эльмира Сабирова

БР Мәҙәниәт министрлығы Башҡортостан Республикаһында Мәҙәниәт йылының иң яҡшы эмблемаһы проектына конкурста ҡатнашыу өсөн эштәр ҡабул итеүҙе дауам итә.

Бәйгелә теләгән һәр кем ҡатнаша ала. Эмблема сағыу, үҙенсәлекле булырға һәм тематикаға тап килергә тейеш. Жюри шулай уҡ уның юғары художество кимәленә һәм дизайнерлыҡ оҫталығына баһа бирәсәк.

Министрлыҡтан хәбәр итеүҙәренсә, халыҡтың ижади мөмкинлектәрен ҡеүәтләү һәм тормошҡа ашырыу, киң йәмәғәтселек иғтибарын Мәҙәниәт йылын үткәреүгә йәлеп итеү конкурстың төп маҡсаттары булып тора.

Конкурс материалдары электрон һәм яҙма төрҙә 15 октябргә тиклем Өфө ҡалаһы, Революция урамы, 18 адресы буйынса 21-се бүлмәлә ҡабул ителә. Белешмәләр өсөн телефон: 8(347) 280-87-70.

Еңеүсе Диплом һәм 40 мең һум күләмендә аҡсалата приз менән наградланасаҡ.

Тулыраҡ мәғлүмәт ведомство сайтында урынлаштырылған.