10 декабрь, Шәмбе

17 сентябрь 2013 йыл, 11:01

Башҡортостан вожатыйҙары бөтә Рәсәй конкурсында призлы урындарға лайыҡ булды

автор: Эльмира Сабирова

Башҡортостан вожатыйҙары балалар һәм йәштәр ялы һәм уларҙы сәләмәтләндереү өлкәһендә VIII Бөтә Рәсәй йәш белгестәр конкурсында призлы урындар яуланы. Бәйге Анапала, «Кавказ» балалар сәләмәтләндереү үҙәгендә үтте.

Республика исеменән конкурста «Балалар ҡала яны лагерының иң яҡшы директор урынбаҫары» номинацияһында – Туймазы районының А.П.Гайдар исемендәге балалар сәләмәтләндереү-белем биреү лагеры директорының тәрбиә эше буйынса урынбаҫары Жанна Осипова, «Балалар ҡала яны лагерының иң яҡшы педагог-ойоштороусыһы (отряд вожатыйы)» номинацияһында — «Ағиҙел-Юлдаш» яуаплылығы сикләнгән йәмғиәтенең «Юлдаш» балалар сәләмәтләндереү үҙәге вожатыйы Артур Шәрипов һәм «Уңыш академияһы» шәхесте үҫтереү мәғариф үҙәгенән Анна Малагина сығыш яһаны. Улар икенсе-өсөнсө урындар яуланы.

Бәйге талантлы йәштәрҙе асыҡлау, ижади һәләттәрҙе асыу һәм профессионализмды үҫтереү өсөн шарттар булдырыу, социаль башланғыстарға булышлыҡ итеү маҡсатында ойошторолдо, тип хәбәр иттеләр БР Мәғариф министрлығының матбуғат хеҙмәтенән.