4 декабрь, Йәкшәмбе

16 сентябрь 2013 йыл, 9:23

Рөстәм Хәмитов БР Хөкүмәтенең иҡтисад блогында вәкәләттәрҙе бүлеү тураһындағы бойороҡҡа ҡул ҡуйҙы

автор: «Башинформ»

Башҡортостан Президенты Рөстәм Хәмитов үҙенең бойороғо менән республика Хөкүмәтенең иҡтисад блогында вәкәләттәрҙе бүлеүгә үҙгәрештәр индерҙе, тип хәбәр иттеләр төбәк башлығының матбуғат хеҙмәтенән.

Үҙгәрештәр, нигеҙҙә, БР Хөкүмәте Премьер-министрының беренсе урынбаҫары Рөстәм Мәрҙәнов менән БР Хөкүмәте Премьер-министры урынбаҫары Евгений Маврин араһында вәкәләттәр бүлеүгә ҡағыла.

Бойороҡҡа ярашлы, Рөстәм Мәрҙәнов финанс блокка һәм ер-мөлкәт мөнәсәбәттәренә контроллек итәсәк. Евгений Маврин иҡтисад, бәләкәй һәм урта эшҡыуарлыҡты үҫтереү өлкәләрендә дәүләт идараһы өсөн яуаплы буласаҡ.