3 декабрь, Шәмбе

12 сентябрь 2013 йыл, 9:20

«Башкиравтодор» директоры итеп Ринат Абдуллин тәғәйенләнде

автор: Розалия Вәлиева

«Башкиравтодор» асыҡ акционерҙар йәмғиәте директоры итеп Ринат Абдуллин тәғәйенләнде. Бығаса ул Башҡортостандың Юл хужалығы идаралығы етәксеһе булып эшләне. Был хаҡта «Башинформ» агентлығына ведомствонан хәбәр иттеләр.

Ринат Зыя улы Абдуллин 1964 йылда республиканың Иглин районы Ҡаҙаяҡ ауылында тыуған. 1982-1984 йылдарҙа әрме сафында хеҙмәт итә. Ике юғары белемгә эйә: Өфө нефть институтын һәм БР Президенты ҡарамағындағы Башҡортостан дәүләт хеҙмәте һәм идара итеү академияһын тамамлай.

Төрлө йылдарҙа Ринат Абдуллин Өфө хакимиәтендә Заказсы хеҙмәтен, «КПД» асыҡ акционерҙар йәмғиәте» капиталь төҙөлөш предприятиеһын етәкләй. «Башҡортостан Республикаһының атҡаҙанған төҙөүсеһе» исеменә лайыҡ.