3 декабрь, Шәмбе

11 сентябрь 2013 йыл, 17:17

Өфөлә пенсионерҙар өсөн вакансиялар йәрминкәһе үтәсәк

автор: Галина Бахшиева

Кесе йома, 12 сентябрҙә, Өфөлә пенсия һәм пенсия алды йәшендәге кешеләр өсөн быйыл өсөнсө тапҡыр күп профилле вакансиялар йәрминкәһе үтә. Уны ойоштороусы булып Өфөнөң Халыҡ мәшғүллеге үҙәге – йәштәр хеҙмәт биржаһы сығыш яһай.

— Иртәнге йәрминкәлә сәнәғәт, төҙөлөш, сауҙа, транспорт, дөйөм туҡланыу һәм башҡа өлкәләрҙә эшләгән 20-нән ашыу предприятие һәм ойошма ҡатнашасаҡ, — тип хәбәр итте баш ҡаланың халыҡ мәшғүллеге хеҙмәте белгесе Ирина Турчина.

Дөйөм алғанда йәрминкәлә эш эҙләүселәргә 500-гә яҡын вакансия тәҡдим ителәсәк. Улар араһында табип, уҡытыусы, инженер, страховкалау агенты, вахтер, һатыусы, гардеробсы вакансиялары бар.

Барлыҡ хеҙмәттәр бушлай күрһәтелә. Йәрминкә Өфө ҡалаһы, Ибраһимов бульвары, 47/1 адресы буйынса 10.00-12.00 сәғәттәрҙә үтә.