8 декабрь, Кесе йома

10 сентябрь 2013 йыл, 15:36

Башҡортостандың фермер хужалыҡтарында йыл башынан алып 73 мең тоннаға яҡын һөт етештерелгән

автор: Галина Бахшиева

2013 йыл башынан алып республиканың крәҫтиән (фермер) хужалыҡтарында 73,5 мең тоннаға яҡын һөт етештерелгән. БР Ауыл хужалығының матбуғат хеҙмәтенән хәбәр итеүҙәренсә, Иглин районы хужалыҡтары тулайым һауым буйынса әүәлгесә беренсе урында килә. Районда был ваҡыт эсендә 3,3 мең тоннаға яҡын һөт һауып алынған.

Шулай уҡ Ауырғазы, Ҡалтасы, Ҡыйғы, Дәүләкән, Мәләүез һәм Мәсетле райондары фермерҙары ла лидерҙар иҫәбендә. Был райондарҙа йыл башынан алып 2,3 мең тоннанан ашыу һөт етештерелгән.

Республиканың ауыл хужалығы предприятиеларында ағымдағы йыл башынан алып йәмғеһе 471 мең тоннанан ашыу һөт һауып алынған, тип хәбәр иттеләр аграр ведомствоның матбуғат хеҙмәтенән.