11 декабрь, Йәкшәмбе

10 сентябрь 2013 йыл, 11:06

Башҡортостан Президенты һайлауҙа ҡатнашҡан кешеләргә рәхмәт белдерҙе

автор: Людмила Терновая | фото: Олег Яровиков

Башҡортостан Президенты Рөстәм Хәмитов 8 сентябрҙә үткән һайлауҙарҙа ҡатнашҡан кешеләргә рәхмәт белдерҙе.

— Һайлауҙарҙа ҡатнашҡан, йәкшәмбе көнө һайлау участкаһына килеп, үҙенең гражданлыҡ бурысын үтәгән һәр кешегә рәхмәтемде белдерәм, — тине дүшәмбе, 9 сентябрҙә, үткән брифингта республика етәксеһе. – Һайлау участкаларына килгән кешеләрҙең эмоциялар тәьҫирендә түгел, ә айыҡ аҡыл менән эш итеүен күрҙем. Улар теге йәки был кандидат өсөн тауыш биреү һөҙөмтәһендә килеп тыуасаҡ барлыҡ хәүефтәргә айыҡ баһа бирҙе. Һайлау йомғаҡтары кешеләрҙең айыҡ аҡылға таянып тауыш биреүе хаҡында һөйләй. Ваҡыт табып, власть структураларының эшмәкәрлегенә баһа бирергә килгән кешеләргә ҙур рәхмәт. Сөнки һайлауҙар үҙенә күрә референдум да булып тора, унда һайлаусылар бөгөн субъектта йәки илдә барған ваҡиғаларҙа үҙ баһаһын бирә.

темалар: бр президенты