4 декабрь, Йәкшәмбе

10 сентябрь 2013 йыл, 9:53

Ҡаҙағстанда Башҡортостандың презентацияһы үтәсәк

автор: Розалия Вәлиева

8-9 октябрҙә Ҡаҙағстандың баш ҡалаһы Астанала Башҡортостандың презентацияһы үтә. Республика башлығы Рөстәм Хәмитов сараларға әҙерлек тураһындағы бойороҡҡа ҡул ҡуйҙы, документ Башҡортостан Республикаһының хоҡуҡи мәғлүмәт интернет-порталында урынлаштырылды.

Рәсми визит сиктәрендә Башҡортостандың презентацияһын үткәреү, күргәҙмә әҙерләү планлаштырыла, урындағы театрҙа М.Ғафури исемендәге Башҡорт дәүләт академия драма театры артистары Сыңғыҙ Айтматовтың пьесаһы буйынса «Аҡ пароход» спектаклен күрһәтәсәк.