4 декабрь, Йәкшәмбе

05 сентябрь 2013 йыл, 14:13

Өфө Халыҡ-ара Аксаков байрамын үткәрергә әҙерләнә

автор: Арина Рәхимҡолова

Башҡортостан баш ҡалаһы XXIII Халыҡ-ара Аксаков байрамын үткәрергә әҙерләнә. «Башинформ» агентлығына Өфө ҡала Советының матбуғат хеҙмәтенән хәбәр итеүҙәренсә, 25 сентябрҙә Аксаков әҙәби кисә-конкурсы үтә.

Унда теләгән һәр студент ҡатнаша ала. Эштәр Сергей Аксаковтың ижадына бағышланған булырға тейеш. Бәйге өс номинацияла үтәсәк: «Ижади эш», «Проза һәм поэзия», «Актерлыҡ оҫталығы». Студенттар араһында ойошторолған әҙәби кисә-бәйге йыл һайын яңы таланттар аса. Ҡатнашыусылар менән тәҡдим ителгән проекттарҙың күбеһе уңышлы ғәмәлгә ашырыла.

Бәйге Өфө дәүләт иҡтисад һәм сервис академияһының «ACADEMIA» галереяһында үтәсәк. Заявкалар 20 сентябргә тиклем ҡабул ителә. Өҫтәмә мәғлүмәт алыу өсөн (347) 228-49-77, 253-71-31 телефондары буйынса шылтыратырға мөмкин.