10 декабрь, Шәмбе

05 сентябрь 2013 йыл, 11:49

Республикала 20 дөйөм белем биреү учреждениеһына смарт-мәктәп статусы биреләсәк

автор: Эльмира Сабирова

Ағымдағы уҡыу йылы аҙағынаса 20 дөйөм белем биреү учреждениеһына смарт-мәктәп статусы биреләсәк.

Башҡортостандың мәғариф министры Әлфис Ғаязов һүҙҙәренсә, был конкурс нигеҙендә һайлап алыу буласаҡ. Заявкаларҙы тикшергән ваҡытта, эксперттар белем биреү процесында яңы мәғлүмәт технологияларының ни тиклем әүҙем һәм урынлы ҡулланылыуын, белем биреү сифатын, уҡыусыларҙың үҙ аллы мәғлүмәт эҙләй, таба һәм файҙалана белеүен иҫәпкә аласаҡ.

Әлфис Ғаязов билдәләүенсә, смарт-мәктәп – элиталы мәктәп тигәнде аңлатмай, был башҡалар өсөн өлгө булыуҙы күҙ уңында тота. Мәғариф учреждениелары үҙ эшмәкәрлеген методик һәм ғилми йәһәттән камиллаштырып, был исем өсөн көрәшергә тейеш.