6 декабрь, Шишәмбе

04 сентябрь 2013 йыл, 14:43

Ағиҙел ҡалаһында Бесланда һәләк булған яугирҙарҙы хөрмәтләп иҫкә алдылар

автор: Арина Рәхимҡолова

Ағиҙел ҡалаһында «Берҙәм Рәсәйҙең Йәш Гвардияһы» ойошмаһының урындағы бүлексәһе активистары «Хәтер шәме» акцияһын үткәрҙе. Сара Бесландағы терактҡа туғыҙ йыл тулыуға арналды, тип хәбәр итә ER.RU.

Акцияла шулай уҡ Ағиҙел ҡалаһының пионерҙар ойошмаһы вәкилдәре ҡатнашты. Балалар Бесланда һәләк булған яугирҙарҙы бер минут тын тороп иҫкә алды, Мәңгелек утҡа сәскәләр һалды һәм шәмдәрҙе тоҡандырҙы.

— Һәр халыҡтың тарихында фажиғәле ваҡиғалар бар, улар халыҡ хәтерендә мәңгелеккә һаҡланып ҡаласаҡ. Халыҡ уларҙы онотмай. Был фажиғә башҡа бер ҡасан да ҡабатланмаһын өсөн, беҙ уның турала иҫләргә тейешбеҙ, — тине «Берҙәм Рәсәйҙең Йәш Гвардияһы» ойошмаһының урындағы бүлексәһе етәксеһе Алеся Арыҫланова.