11 декабрь, Йәкшәмбе

04 сентябрь 2013 йыл, 10:30

Туймазыла дәүләт һәм муниципаль хеҙмәттәр күрһәтеү буйынса яңы күп функциялы үҙәк асыласаҡ

автор: Людмила Терновая, Арина Рәхимҡолова | фото: Олег Яровиков

Башҡортостан Президенты Рөстәм Хәмитов 3 сентябрҙә Туймазыға эш сәфәре барышында ҡалала дәүләт һәм муниципаль хеҙмәттәр күрһәтеү буйынса яңы күп функциялы үҙәк төҙөү барышын тикшерҙе. Эштәр ағымдағы йылда башланған. Объектта төҙөлөш эштәрен Туймазы районының иң ҙур ойошмаларының береһе — «3-сө төҙөлөш фирмаһы» эшселәре башҡара.

Президентҡа хәбәр итеүҙәренсә, ағымдағы йылдың октябренә объектҡа коммуникациялар үткәреләсәк. Ошо эштәрҙе тамамлағандан һуң, үҙәк тәүге клиенттарын ҡабул итәсәк. Бинаның дөйөм майҙаны 2316 квадрат метр тәшкил итә. Халыҡты хеҙмәтләндереү өсөн 26 тәҙрә эшләйәсәк. Шулай уҡ үҙәк биләмәһендә автомобилдәр ҡуйыу урыны ҡаралған.