3 декабрь, Шәмбе

26 август 2013 йыл, 13:34

Милли йәштәр театры Ҡабарҙы-Балҡар Республикаһына гастролдәргә сыға

автор: Ольга Мортазина

БР Милли йәштәр театрының башҡорт труппаһы сираттағы ижад миҙгеле алдынан Ҡабарҙы-Балҡар Республикаһына гастролдәргә сығасаҡ, тип хәбәр иттеләр БР Мәҙәниәт министрлығының матбуғат хеҙмәтенән. Тур 23-27 сентябрҙә үтә һәм республиканың биш ҡалаһын үҙ эсенә ала. Милли йәштәр театры үткән ижад миҙгеленең ике премьераһын — Флорид Бүләков пьесаһы буйынса «Ҡарт кейәүҙәр, йәки Шомбай ҡоҙа» комедяһын һәм Джанни Родариҙың әкиәте буйынса «Чиполлино» музыкаль спектаклен тәҡдим итәсәк.

Үткән йылда Ҡабарҙы-Балҡар Республикаһына Анатолий Приставкин повесы буйынса «Ночевала тучка золотая» спектакле менән театрҙың рус труппаһы гастролдәр менән барып ҡайтҡайны. Тамашасылар һәм профессионалдар араһында киң танылыу алған спектаклде рус труппаһының баш режиссеры, Ҡабарҙы-Балҡар Республикаһында тыуып үҫкән Мөсәлим Күлбаев сәхнәләштерҙе.

темалар: гастролдәр