Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 58.89

EUR 69.42

17 декабрь, Йәкшәмбе

Уфа   °

Рөстәм Хәмитов «Башавтотранс» предприятиеһының Учалы филиалына яңы автобустарҙан асҡыстар тапшырҙы

Сәйәсәт

Башҡортостан Президенты Рөстәм Хәмитов Учалы районына эш сәфәре сиктәрендә «Башавтотранс» дәүләт унитар предприятиеһының Учалылағы бүлексәһенә дүрт яңы автобустан асҡыстар тапшырҙы. Сара Учалының үҙәк майҙанында үтте.

— Был мөһим ваҡиға булып тора. Яңы техника «Башавтотранс» предприятиеһының алдынғы бүлексәләренең береһенә тапшырыла, — тине Рөстәм Хәмитов. – Беҙ артабан да «Башавтотранс» дәүләт унитар предприятиеһын яҡшы техника менән тәьмин итеп нығытасаҡбыҙ. Халыҡҡа уңайлы булһын өсөн, маршруттар селтәрен үҫтереү өҫтөндә уйлаясаҡбыҙ.

Шулай уҡ Президент «Учалы тау-байыҡтырыу комбинаты» асыҡ акционерҙар йәмғиәте һәм «Учалы тау-машина эшләү альянсы» яуаплылығы сикләнгән йәмғиәтенең яңы махсус техникаһын ҡараны. Учалы тау-байыҡтырыу комбинатының техник директоры Ильяс Әхмәтйәнов тәҡдим ителгән машиналар – ауҙармалы машиналар, бульдозерҙар, быраулау ҡоролмалары, тейәгестәр тураһына һөйләне. Бөгөнгө көндә предприятие Урал тау-металлургия компанияһы өсөн алдынғы сеймал етештереүсе, шулай уҡ Башҡортостанда һәм Рәсәйҙә баҡыр һәм цинк концентраттары етештереү буйынса иң ҙур предприятиеларҙың береһе булып тора. Яңы техника «Учалы тау-байыҡтырыу комбинаты» асыҡ акционерҙар йәмғиәтенең бүлексәләренә 2013 йылға һатып алыуҙар программаһына ярашлы поставкалана башланы.

Яндекс цитирования
Рейтинг ресурсов "УралWeb"
закрыть