3 декабрь, Шәмбе

23 август 2013 йыл, 9:30

Рөстәм Хәмитов Федераль именлек хеҙмәтенең Һарытау һәм Һамар өлкәләре буйынса сик буйы идаралығы начальнигы менән осрашты

автор: Ольга Мортазина | фото: Олег Яровиков

Башҡортостан Президенты Рөстәм Хәмитов РФ Федераль именлек хеҙмәтенең Һамар һәм Һарытау өлкәләре буйынса сик буйы идаралығы начальнигы Сергей Митюшин менән осрашты. Сергей Митюшин был вазифаға 2013 йылдың 11 июлендә тәғәйенләнде. Уның ҡарамағында булған бүлексә республикала урынлашҡан. Осрашыу барышында «Өфө» халыҡ-ара аэропортында терминал һәм дәүләт сиге аша үткәреү пункты төҙөү мәсьәләләре тикшерелде, тип хәбәр итте генерал-майор Митюшин.

— Беҙ республика Президенты менән таныштыҡ һәм аралашыу барышында бергә хәл итәһе мәсьәләләр тураһында һөйләштек. Тәү сиратта, был аэропортты реконструкциялау. Яңыртыу эштәре бөгөнгө көндә башланып тора һәм 2015 йылға тейешле сараларға (ШОС һәм БРИКС саммиттарына) тамамланырға тейеш. Беҙҙең хеҙмәт йәһәтенән килеп тыуған мәсьәләләрҙе конструктив, һөҙөмтәле һәм ваҡытында хәл итеү тураһында һөйләшеп килештек. Республика етәксеһе бөгөнгө көндә сик һаҡсыларын борсоған мәсьәләләр хаҡында һорашты. Киҫкен проблемалар юҡ. Башҡортостан етәкселеге менән үҙ-ара аңлашып, артабан бергә эшләмәксебеҙ, — тине Сергей Митюшин.