9 декабрь, Йома

15 август 2013 йыл, 14:34

Башҡортостанда эшһеҙлек буйынса пособиеның уртаса күләме 3788 һум тәшкил итә

автор: Галина Бахшиева

Башҡортостанда 2013 йылдың июлендә эшһеҙлек буйынса пособиеның уртаса күләме 3788 һум тәшкил итте. Был эшкә яраҡлы халыҡ өсөн йәшәү минимумы күләменең 50 процентына тиң.

БР Халыҡ мәшғүллеге дәүләт хеҙмәтенән хәбәр итеүҙәренсә, төбәктә эшһеҙлек буйынса пособиеның минималь күләмен эшһеҙҙәрҙең – 32 проценты, максималь күләмен 42 проценты ала.

Сағыштырыу өсөн. 2012 йылдың июлендә республикала эшһеҙлек буйынса пособиеның уртаса күләме 3563 һум тәшкил итте.

2013 йылдың 1 авгусына ҡарата Башҡортостанда, дөйөм алғанда, рәсми рәүештә теркәлгән 23,6 меңгә яҡын эшһеҙ иҫәпләнде. Уларҙың 43 проценты – ауыл халҡы.

Ағымдағы йылдың башы менән сағыштырғанда, төбәктә эшһеҙҙәр һаны 2,9 мең кешегә кәмегән, тип хәбәр иттеләр БР Хеҙмәт һәм халыҡты социаль яҡлау министрлығының матбуғат хеҙмәтенән.