5 декабрь, Дүшәмбе

15 август 2013 йыл, 10:16

БР Йәмәғәт палатаһы республика парламенты менән Килешеү кимәлендә хеҙмәттәшлек итергә ниәтләй

автор: Людмила Терновая

Башҡортостандың өсөнсө саҡырылыш Йәмәғәт палатаһы БР Дәүләт Йыйылышы – Ҡоролтай менән үҙ-ара килешеп эш итеү тураһында Килешеү проекты әҙерләй. Был хаҡта палата рәйесе Рәмил Бигнов республика Президенты Рөстәм Хәмитовҡа хәбәр итте. Уның һүҙҙәренсә, документта йәмғиәт мәнфәғәттәренән сығып бергәләп эшләү механизмдары билдәләнәсәк.

— 8 сентябрҙә һайлауҙар үтә, БР Дәүләт Йыйылышының яңы составы формалашасаҡ. Ул эшләй башлағанға тиклем закон сығарыу инициативалары булараҡ күрһәтелгән тәҡдимдәрҙе тормошҡа ашырыу йәһәтенән үҙ-ара килешеп эш итеү тураһында Килешеү проекты әҙерләйбеҙ. Ошо йәһәттән республика парламенты комитеттары һәм комиссиялары менән тығыҙ хеҙмәттәшлек булдырыу күҙ уңында тотола, — тип хәбәр итте Рәмил Бигнов.