10 декабрь, Шәмбе

02 август 2013 йыл, 15:26

Роберт Миңнуллин үҙенең юбилейын тыуған яғында - Илеш районында билдәләйәсәк

автор: Алик Шакиров

10 августа Илеш районының Шәммәт ауылында һәм район үҙәге Үрге Йәркәйҙә Татарстан Республикаһының атҡаҙанған сәнғәт эшмәкәре, Башҡортостан Республикаһының атҡаҙанған мәҙәниәт хеҙмәткәре, Татарстандың халыҡ шағиры, ТР Дәүләт Советы депутаты, Илеш районында тыуып үҫкән Роберт Миңнуллинға 65 йәш тулыу айҡанлы ижади саралар үтә. «Һаумыһығыҙ, ауылдаштар!» байрамында, Мәҙәниәт йортонда үтәсәк тантаналы кисәлә һәм майҙанда ойоштороласаҡ ҙур концертта Башҡортостандың һәм Татарстандың танылған йырсылары ҡатнашасаҡ. Улар араһында – халыҡ артистары Айҙар Ғәлимов һәм Фән Вәлиәхмәтов, Фәнүнә Сиражетдинова, Лилиә, Хәлит, Илшат, Айнур Хәлитовтар, Гүзәл һәм Иҙрис Кәлимуллиндар; Роберт Һәм Фәриҙә Тимербаевтар, Дамира Сәйетова, Илгиз Закиров, Айҙар Ғәбдинов, Мөҙәрис Ғәзетдинов, Илшат Сибәғәтуллин, Айҙар Ракипов, Нефтекама филармонияһы, Яр Саллынан «Болғар» ансамбле артистары, шулай уҡ билдәле татар, башҡорт шағирҙары һәм яҙыусылары.