5 декабрь, Дүшәмбе

01 август 2013 йыл, 14:21

Өфөлә полковник Шәрип Миңлеғоловҡа мемориаль таҡта асылды

автор: Людмила Терновая

Өфөлә Һауа десанты ғәскәрҙәре көнөн билдәләү сиктәрендә полковник Шәрип Миңлеғоловҡа мемориаль таҡта асыу тантанаһы үтте. Сараны ойоштороусылар булып Башҡортостандың «Ҡанатлы гвардия» комитеты сығыш яһаны.

Шәрип Хәби улы Миңлеғолов Бөйөк Ватан һуғышында, Венгрия, Чехословакия, Афғанстандағы хәрби операцияларҙа ҡатнашҡан. Александр Невский, Ҡыҙыл Йондоҙ, Ҡыҙыл Байраҡ, II дәрәжә Ватан һуғышы ордендары, шулай уҡ бер нисә миҙал, шул иҫәптән «Хәрби ҡаҙаныштары өсөн» миҙалы менән наградланған.

Мемориаль таҡта Революцион урамы, 66 адресы буйынса урынлаштырылды, тип хәбәр иттеләр Өфө хакимиәтенең мәғлүмәт-аналитика бүлегенән.