9 декабрь, Йома

31 июль 2013 йыл, 12:46

Мәләүез районы хужалыҡтары һауым буйынса өс меңлек сикте үтте

автор: Эльвира Латипова

Мәләүез районы хужалыҡтары йыл башынан алып һәр һыйырҙан уртаса өс мең килограмм һөт һауып алған. Был — республикала һауым буйынса өс меңлек сикте үткән дүртенсе район. Бығаса был күрһәткес Стәрлетамаҡ (бөгөнгө көнгә – 3482 кг), Саҡмағош (3454 кг) һәм Тәтешле (3102 кг) райондарында теркәлде. Республика буйынса уртаса күрһәткес 2333 килограмға тиң.

Бөгөнгө көндә Башҡортостанда һәр һыйырҙан тәүлегенә уртаса 12,9 килограмм һөт һауып алына. Иң күп һөт Стәрлетамаҡ (17,4), Ауырғазы (16,4) һәм Мәләүез (16,4) райондарында етештерелә.

Республикала тулайым һауым 865 477 тонна тәшкил итте, шуларҙың 391 628 тоннаһы ауыл хужалығы предприятиеларына һәм фермер хужалыҡтарына тура килә. Шәхси хужалыҡтарҙан 52 907 тонна һөт һатып алынған.