11 декабрь, Йәкшәмбе

29 июль 2013 йыл, 15:30

Башҡортостан туристарына ярҙамға - аңлатмалы һүҙлек

автор: Алик Шакиров

«Китап» нәшриәтендә «Башҡортостан турисының аңлатмалы һүҙлеге» тип аталған яңы китап донъя күрҙе. Баҫма Тирә-яҡ мөхитте һаҡлау йылына арналған, ул туризм һәм туриндустрияның күпселек төрҙәрендә ҡулланылған терминдар һәм төшөнсәләрҙән тора. Шулай уҡ китапта республикала туризм өлкәһенең үҫеш тарихы тураһындағы мәғлүмәт урынлаштырылған. Яңы һүҙлек киң ҡатлам уҡыусылар – мәктәп уҡыусылары, турист-спортсылар, туристик фирма хеҙмәткәрҙәре, тыуған яҡ буйлап экскурсиялар ойошторған тәбиғәтте һөйөүселәр өсөн тәғәйенләнгән. Китаптың авторы – Рәсәйҙең һәм Башҡортостандың атҡаҙанған уҡытыусыһы, СССР-ҙың туризм буйынса спорт мастеры, Рус география йәмғиәте ағзаһы, Башҡортостандың почетлы крайҙы өйрәнеүсеһе, БР Журналистар союзы ағзаһы Вадим Марушин.