Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.31 ↑

EUR 61.50 ↓

27 апрель, Кесе йома

Уфа   °

Башҡортостан делегацияһы IV Бөтә Рәсәй ауыл һабантуйында ҡатнашасаҡ

Мәҙәниәт

Башҡортостан делегацияһы 29 июндә Пермь крайының Барда ҡасабаһында үтәсәк IV Бөтә Рәсәй ауыл һабантуйында ҡатнашасаҡ.

Сараға илдең 19 төбәгенән меңдән ашыу кешенең килеүе көтөлә.

БР мәҙәниәт министрының матбуғат секретары Ләйлә Ишморатова хәбәр итеүенсә, Башҡортостан Хөкүмәте Премьер-министры урынбаҫары Салауат Сәғитов етәкселегендәге рәсми делегация составында Тәтешле һәм Дүртөйлө райондарының хакимиәт башлыҡтары Рушан Гәрәев һәм Ринат Хәйруллин, «Бөтә донъя башҡорттары ҡоролтайы (конгресы)» халыҡ-ара йәмәғәт ойошмалары берлеге Башҡарма комитеты рәйесе Румил Аҙнабаев, төбәктең мәҙәниәт министры урынбаҫары Рәнис Алтынбаев бар.

Делегацияның ижади коллективына Х.Әхмәтов исемендәге Башҡорт дәүләт филармонияһы директоры Рәсүл Ҡарабулатов етәкселек итә.

Сара сиктәрендә БР Милли музейы, «Ағиҙел» Башҡортостан художество промыслаһы» предприятиеһы, Тәтешле һәм Дүртөйлө райондарының күргәҙмәләре ойоштороласаҡ.

Байрамды ойоштороусылар булып Пермь крайы хакимиәте, Башҡортостандың һәм Татарстандың Мәҙәниәт министрлыҡтары сығыш яһай.

Яндекс цитирования
Рейтинг ресурсов "УралWeb" -->
закрыть