7 декабрь, Шаршамбы

26 июнь 2013 йыл, 9:21

Башҡортостанда сифат өлкәһендә БР Президенты премияларына дәғүә итеүгә конкурс иғлан ителде

автор: Эльвира Латыпова

Предприятиелар сифат өлкәһендә 2013 йыл өсөн Башҡортостан Республикаһы Президенты премияларына дәғүә итеүгә конкурста ҡатнашыуға саҡырыла. Заявкалар 1 авгусҡа тиклем ҡабул ителә.

БР Стандартлаштырыу, метрология һәм сертификация үҙәгенең матбуғат хеҙмәтенән хәбәр итеүҙәренсә, премиялар тауарҙар һәм хеҙмәттәр сифаты өлкәһендә юғары һөҙөмтәләргә өлгәшкән, тауар һәм хеҙмәттәр хәүефһеҙлеген тәьмин иткән, сифат менеджментының юғары һөҙөмтәле алымдарын ҡулланылышҡа индергән ойошмаларға бирелә.

Предприятиеларҙы ошо уҡ өлкәлә РФ Хөкүмәте премияларына дәғүә итеүгә конкурсҡа әҙерләү республика бәйгеһенең төп маҡсаттарының береһе булып тора.

Конкурс шарттары һәм баһа биреү критерийҙары менән БР Стандартлаштырыу, метрология һәм сертификация үҙәге сайтында танышырға мөмкин.