11 декабрь, Йәкшәмбе

24 июнь 2013 йыл, 15:27

Бөрөлә асфальтта һүрәт төшөрөү буйынса балалар конкурсы үтте

автор: Ғәлиә Нәбиева

Бөрө лицейында көндөҙгө лагерға йөрөгән балалар өсөн асфальтта һүрәт төшөрөү буйынса «Минең Ватаным» конкурсы үтте. Сараны йәш гвардиясылар ойошторҙо, тип хәбәр итә ER.RU.

Балалар ижадын популярлаштырыу һәм үҫтереү, һәләтле балаларҙы асыҡлау һәм уларға ярҙам итеү, үҫмерҙәрҙә эстетик зауыҡ формалаштырыу, Ватанға һөйөү тәрбиәләү бәйгенең төп маҡсаттары булып торҙо.

Конкурста  6-15 йәштәрҙәге 40-ҡа яҡын кеше ҡатнашты. Балалар Ватанға, тыуға яҡҡа булған һөйөүен һүрәттәрҙә сағылдырҙы. Сара йомғаҡтары буйынса барлыҡ ҡатнашыусыларға дипломдар һәм бүләктәр тапшырылды.