10 декабрь, Шәмбе

21 июнь 2013 йыл, 11:16

Баш ҡала пенсионерҙарына йәрминкәлә 500 вакансия тәҡдим ителде

автор: Галина Бахшиева

Пенсия һәм пенсия алды йәшендәге кешеләр өсөн ойошторолған вакансиялар йәрминкәһендә 500-ҙән ашыу буш эш урыны тәҡдим ителде.

Сарала 40-тан ашыу предприятие һәм ойошма ҡатнашты, тип хәбәр иттеләр баш ҡаланың Халыҡ мәшғүллеге үҙәгенән.

— Йәрминкәгә килгән 300 кешенән 220-һе эш тәҡдим итеүселәр менән әңгәмәләшеүҙә ҡатнашты. Һөҙөмтәлә 130 кеше эшкә саҡырыу алды, — тип билдәләне халыҡты эш менән тәьмин итеү хеҙмәтенең бүлек начальнигы Ирина Турчина. – Эш эҙләүселәргә шәфҡәт туташы, методист, консьерж, һаҡсы, менеджер, заказдар ҡабул итеүсе, видеокүҙәтеү операторы һәм башҡа вакансиялар тәҡдим ителде.

Тәҡдим ителгән эш хаҡы кимәле — 10 мең һумдан ашыу.

Пенсионерҙар өсөн сираттағы күп профилле вакансиялар йәрминкәһе Өфөлә 12 сентябрҙә үтә.