10 декабрь, Шәмбе

18 июнь 2013 йыл, 12:23

Өфө хакимиәте сайтының балалар өсөн версияһы булдырыласаҡ

автор: Розалия Вәлиева

Өфө хакимиәте сайтының балалар өсөн тәғәйенләнгән версияһы июль башында эшләй башлаясаҡ. Был хаҡта Өфө хакимиәтендә үткән оператив кәңәшмәлә хәбәр ителде.

Сайт буйлап оҙатып йөрөүсе итеп бал ҡорто һайланған. Порталда тик рус телендәге мәғлүмәттәр урын аласаҡ.

— Балалар сайтында яңылыҡтар булмаясаҡ, — тип аңлатты Өфө хакимиәтенең матбуғат хеҙмәте баш белгесе Данил Ивлев. – Ресурс 6-12 йәштәрҙәге балалар өсөн тәғәйенләнгән. Улар ҡала тарихы, уның иҫтәлекле урындары, ял зоналары тураһындағы мәғлүмәт менән таныша аласаҡ.