4 декабрь, Йәкшәмбе

14 июнь 2013 йыл, 13:07

Бөтә Рәсәй һабантуйында Башҡортостан Президенты призына ат сабышы үтәсәк

автор: Алик Шакиров

29 июндә Пермь крайының Барда ҡасабаһында IV Бөтә Рәсәй ауыл һабантуйы үтә.

Байрам сиктәрендә Бөтә Рәсәй ауыл һабантуйы-2013, Пермь крайы губернаторы, Татарстан Республикаһы Президенты, Башҡортостан Республикаһы Президенты һәм Барда районы башлығы приздарына ат сабыштары үтәсәк.

Пермь крайының Ат спорты федерацияһынан хәбәр итеүҙәренсә, ярыштарҙа ҡатнашыуға заявкалар 15 июнгә тиклем ҡабул ителә. Башҡортостан һәм Татарстан һыбайлылары тәүгеләрҙән булып сарала ҡатнашырға теләк белдергән. Ҡатнашыусыларҙың тулы исемлеге 19 июндә билдәле буласаҡ.

— Ат сабышы, милли көрәш менән бер рәттән, һәр ваҡыт һабантуй байрамының төп сараһы булып торҙо. Быйыл шулай уҡ Бөтә Рәсәй арбалы ат ярыштары ла үтәсәк. Аттарҙан тиҙлек, шулай уҡ көс һәм сыҙамлыҡ талап иткән был бәйге бик ҡыҙыҡлы булыуға оҡшай. Һабантуйҙарҙа бындай ярыштар үткәреү артабан матур йолаға әүерелер, тип ышанам, — тине Пермь крайы Ат спорты федерацияһының башҡарма директоры Оксана Перетягина.