Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 56.31 ↑

EUR 61.50 ↓

27 апрель, Кесе йома

Уфа   °

Борис Мелкоедов киң мәғлүмәт саралары хеҙмәткәрҙәрен Матбуғат һәм мәғлүмәт көнө менән ҡотланы

Йәмғиәт

БР Матбуғат буйынса агентлығы етәксеһе Борис Мелкоедов киң мәғлүмәт саралары, нәшриәт эшмәкәрлеге һәм полиграфия вәкилдәрен һөнәри байрамдары – Башҡортостан Республикаһының матбуғат һәм мәғлүмәт хеҙмәткәрҙәре көнө менән ҡотланы.

«Мәғлүмәт киңлеген ҙурайтып, яңынан-яңы медиа-технологиялар үҫешкән заманда ла журналист һүҙе йәмғиәттә мөһим һәм ихтирамлы урын биләүен дауам итә. Көслө һүҙ кешеләрҙе берләштерә, яҡшылыҡҡа ышаныс уята ала. Шулай уҡ ул һәләк итеү көсөнә лә эйә. Шуға күрә журналист ҡәләменең осло, әммә объектив булыуы, гәзит биттәренән, телевизор экрандарынан Ватанға ысын һөйөү яңғырауы, материалдарҙа кеше тормошон яҡшыртыуға ынтылыш булыуы мөһим. Башҡортостан матбуғатында республика халҡының хәстәрҙәрен ҡайғыртып йәшәгән бик күп һәләтле, профессиональ журналистар эшләй. Ваҡиғалар солғанышында булып, һеҙ барлыҡ ижади көсөгөҙҙө дөйөм кешелек һәм социаль ҡиммәттәрҙе тергеҙеүгә һәм нығытыуға йүнәлтәһегеҙ.Төбәк киң мәғлүмәт саралары үткерлек, объективлыҡ, оперативлыҡ һәм башҡа профессиональ сифаттар буйынса федераль кимәлдәгенән бер ҙә ҡалышмай», — тиелә ҡотлау хатында.

БР Матбуғат буйынса агентлығы етәксеһе журналистарға, нәшриәтселәргә һәм барлыҡ киң мәғлүмәт саралары хеҙмәткәрҙәренә уңышлы һәм сифатлы үҫеш, ҡыҙыҡлы темалар һәм ижади уңыштар теләне.

Яндекс цитирования
Рейтинг ресурсов "УралWeb" -->
закрыть