9 декабрь, Йома

14 июнь 2013 йыл, 10:38

Төбәктең өс муниципалитеты – Рәсәйҙә финанстар менән идара итеү сифаты буйынса иң яҡшылары

автор: Эльвира Латипова

Республиканың өс муниципалитеты – Өфө, Благовещен һәм Шишмә райондары — VI «Йәмәғәт финанстары менән идара итеү өлкәһендә иң яҡшы муниципаль берәмек» бөтә Рәсәй конкурсында еңеүселәр иҫәбенә инде.

— Призерҙар һаны буйынса Башҡортостан Рәсәй Федерацияһының башҡа субъекттары араһында алдынғы позицияларҙы биләй, — тине Башҡортостандың финанс министры Рузалия Хисмәтуллина. – Беҙҙең муниципалитеттар был конкурста һәр ваҡыт әүҙем ҡатнашып, яҡшы һөҙөмтәләргә өлгәшә.

Йыл һайын үткәрелеүсе конкурс йомғаҡтары Рәсәй финансистары берләшмәһе йыйылышында иғлан ителде, тип хәбәр иттеләр БР Финанс министрлығының матбуғат хеҙмәтенән.