10 декабрь, Шәмбе

11 июнь 2013 йыл, 17:36

Баш ҡалала енәйәт-башҡарыу системаһы пенсионерҙарына торлаҡ сертификаттары тапшырылды

автор: Ольга Мортазина

Федераль яза башҡарыу хеҙмәтенең Башҡортостан буйынса Баш идаралығы хакимиәтендә енәйәт-башҡарыу системаһы пенсионерҙарына торлаҡ сертификаттары тапшырылды. 45 кешегә тапшырылған сертификаттарҙың дөйөм суммаһы 80 миллион һум тәшкил итте. Өй туйлаусыларҙы Идаралыҡ етәксеһе Виктор Шалыгин ҡотланы. Федераль яза башҡарыу хеҙмәтенең Башҡортостан буйынса Баш идаралығынан хәбәр итеүҙәренсә, енәйәт-башҡарыу системаһында кәм тигәндә 10 йыл эшләгән хеҙмәткәрҙәргә торлаҡ сертификаттары биреү буйынса дәүләт программаһы 2000-се йылдан башлап тормошҡа ашырыла. Был ваҡыт эсендә Башҡортостанда 232 миллион һум суммаға йәмғеһе 170 сертификат тапшырылған.  

Субсидия күләме Төбәктәр үҫеше министрлығы менән билдәләнгән хаҡтар буйынса иҫәпләнә. Хеҙмәткәрҙең милкендә булған торлаҡ майҙаны һәм ғаилә составы иҫәпкә алына, тип хәбәр иттеләр Идаралыҡтан.