6 декабрь, Шишәмбе

11 июнь 2013 йыл, 10:56

Башҡортостанда йәшәү минимумы күләме 6156 һум тәшкил итә

автор: Эльвира Латипова

Башҡортостанда уртаса айлыҡ йәшәү минимумы күләме 2013 йылдың беренсе кварталында 6156 һум тәшкил итте, тиелә БР Хөкүмәтенең 10 июнендәге ҡарарында.

Эшкә яраҡлы халыҡ өсөн йәшәү минимумы – 6546 һум, пенсионерҙар өсөн – 5037 һум, балалар өсөн 6149 һум күләмендә билдәләнде.

Рәсәй субъекты кимәлендә билдәләнгән йәшәү минимумы социаль программалар әҙерләгәндә һәм уларҙы тормошҡа ашырғанда халыҡтың йәшәү кимәлен билдәләү өсөн тәғәйенләнгән. Ошо күрһәткестәрҙән сығып, аҙ тәьмин ителгән граждандарға социаль ярҙам күләме иҫәпләнә, тип хәбәр иттеләр БР Президентының матбуғат хеҙмәтенән.