10 декабрь, Шәмбе

11 июнь 2013 йыл, 10:21

Республикала янғынға ҡаршы режим индерелде

автор: Галина Бахшиева

10 июндән Башҡортостанда айырым янғынға ҡаршы режим индерелде, тип хәбәр иттеләр республика Хөкүмәтенең матбуғат хеҙмәтенән.

БР Урман хужалығы министрлығына урмандарҙа янғын хәүефһеҙлеген тәьмин итеүгә күҙәтеүҙе көсәйтергә, урмандарҙа патруллек итеүҙе ойошторорға ҡушылды.

Республика башҡарма власть органдарына янғын хәүефһеҙлеген тәьмин итеү буйынса саралар комплексын һәм янғын хәүефһеҙлеге ҡағиҙәләрен үтәүгә контролде көсәйтергә, урманға яҡын урынлашҡан участкаларҙа усаҡ яғыуҙы, сүп-сар, сәнәғәт ҡалдыҡтарын, шулай уҡ ҡороған үлән яғыуҙы тыйырға ҡушылды.

Бынан тыш, ирекле янғынға ҡаршы формированиеларҙың дежур итеүен ойоштороу, киң мәғлүмәт сараларында янғын хәүефһеҙлеген тәьмин итеү буйынса пропаганда һәм агитация эшмәкәрлеген әүҙемләштереү мөһим.

Шундай уҡ бурыстар муниципаль власть органдарына һәм ер участкаларын ҡуртымға алыусыларға йөкмәтелде.