10 декабрь, Шәмбе

10 июнь 2013 йыл, 12:00

Башҡортостандың Благовещен районында журналистар һабантуйы үтәсәк

автор: Розалия Вәлиева

14 июндә Башҡортостандың Благовещен районында журналистар һабантуйы үтә. Быйылғы фестиваль «Йәйге лагерь» темаһы буйынса үткәрелә, тип хәбәр иттеләр БР Матбуғат һәм киң мәғлүмәт саралары буйынса агентлығынан.

Байрамды асыу тантанаһында БР Матбуғат һәм киң мәғлүмәт саралары буйынса агентлығы етәксеһе Борис Мелкоедов, «Башҡортостан Республикаһының Журналистар союзы» төбәк йәмәғәт ойошмаһы рәйесе Артур Дәүләтбәков, «Башнефть» акционерҙар нефть компанияһы» асыҡ акционерҙар йәмғиәтенең матбуғат хеҙмәте етәксеһе Александр Шадрин сығыш яһаясаҡ.

Шул уҡ көндө БР Журналистар союзына яңы ағзалар ҡабул итеү тантанаһы үтәсәк. Бынан тыш, күңел асыу программаһы ҡаралған. Уның сиктәрендә төрлө спорт ярыштары (футбол, волейбол, пейнтбол, арҡан тартыу, гер күтәреү), «Эшсе хәбәрселәр һәм ауыл хәбәрселәре алышы» турниры үтәсәк.