7 декабрь, Шаршамбы

07 июнь 2013 йыл, 13:09

Миәс ҡалаһында үтәсәк һабантуйҙа Учалы филармонияһы артистары сығыш яһаясаҡ

автор: Арина Рәхимҡолова

Силәбе өлкәһенең Миәс ҡалаһында 12 июндә башҡорт һабантуйы үтә. Байрамға Учалы филармонияһы артистарының да килеүе көтөлә.

Башҡортостан Республикаһының Силәбе өлкәһендәге Даими вәкиллеге матбуғат секретары Михаил Хәбиров хәбәр итеүенсә, ҡала паркында сауҙа рәттәре ойоштороласаҡ, тирмәләр урынлаштырыласаҡ. Сараны ойоштороусылар булып Силәбе өлкәһенең «Башҡорт ҡоролтайы» йәмәғәт ойошмаһы һәм башҡа йәмәғәт ойошмалары ярҙамында Миәс хакимиәте сығыш яһай.

Һабантуйҙың мәҙәни программаһында, Башҡортостан артистарынан тыш, Миәс һәм Силәбе ҡалаларының үҙешмәкәр ижади коллективтары ҡатнашасаҡ.

Сара сиктәрендә көрәш һәм башҡа спорт ярыштары, халыҡ уйындары, конкурстар ойоштороласаҡ.