7 декабрь, Шаршамбы

05 июнь 2013 йыл, 16:23

«Медиапрофи» республика премияһында еңеүсе 50 мең һум аҡса аласаҡ

автор: Розалия Вәлиева

Башҡортостан Республикаһының Матбуғат һәм киң мәғлүмәт саралары буйынса агентлығы, төбәктең Хеҙмәт һәм халыҡты социаль яҡлау министрлығы менән булдырылған «Медиапрофи» республика премияһында еңеүселәр 2013 йылдың ноябрендә билдәле була.

«Медиапрофи» премияһы – яңы форматтағы ҙур төбәк проекты. 2013 йылда ул «Хеҙмәт кешеһе» темаһына арнала. Премия түбәндәге номинациялар буйынса тапшырыласаҡ: «Иң яҡшы репортаж», «Иң яҡшы интервью», «Иң яҡшы очерк», «Иң яҡшы аналитик материал», «Иң яҡшы фоторепортаж», «Иң яҡшы интернет-проект». Эштәр 2013 йылдың 10 ноябренә тиклем ҡабул ителә.

Жюри составына Башҡортостандан һәм Рәсәйҙең башҡа төбәктәренән журналистика, иҡтисад, филология өлкәһендәге белгестәр инә. Туларыҡ мәғлүмәт www.mediaprofirb.ru сайтында урынлаштырылған.