6 декабрь, Шишәмбе

04 июнь 2013 йыл, 14:50

Төбәктә кукуруз һәм ҡарабойҙай сәсеү тамамлана

автор: Галина Бахшиева

Башҡортостанда кукуруз һәм ҡарабойҙай сәсеү тамамлана. БР Ауыл хужалығы министрлығының матбуғат хеҙмәтенән хәбәр итеүҙәренсә, бөгөнгө көнгә кукуруз 88,7 мең гектар майҙанда сәселгән, планға ҡарата был 98 процент тәшкил итә. Бер йыл элек был культура 75 процент майҙанда сәселгән ине.

Ҡарабойҙайға килгәндә, был культура 69,4 мең гектарҙа, йәғни 83 процент майҙанда сәселгән. Ҡарабойҙай өсөн иң ҙур майҙан Бишбүләк районында ҡаралған — 7,7 мең гектарҙан ашыу. Әбйәлил һәм Йәрмәкәй райондарында был культура дүрт мең гектарҙан ашыу майҙанда сәселгән.