3 декабрь, Шәмбе

24 май 2013 йыл, 14:02

Республикала инвалид балаларға социаль пенсия күләме 10190 һум тәшкил итте

автор: Ғәлиә Нәбиева

Ағымдағы йылдың май айынан инвалид балалар һәм бала саҡтан I төркөм инвалидтары социаль пенсияларҙы яңы күләмдә ала башланы. Әлеге төр социаль пенсия күләме Башҡортостанда бөгөнгө көндә 10190 һум 77 тин тәшкил итә, тип хәбәр иттеләр РФ Пенсия фондының Башҡортостан буйынса бүлексәһенән. Бындай пенсияларҙы республикала инвалид бала һәм бала саҡтан I төркөм инвалидтарын тәрбиәләгән 19 мең ғаилә алды.

Иҫегеҙгә төшөрәбеҙ, федераль законға ярашлы, инвалид балаларға һәм бала саҡтан I төркөм инвалидтарына социаль пенсия 2013 йылдың 1 ғинуарынан арттырылырға тейеш ине. Шуға күрә май айында ғаиләләр пенсияны был ай өсөн генә түгел, ә яңы күләм менән ғинуар-апрель айҙарында алған пенсияның айырмаһын да алды.