11 декабрь, Йәкшәмбе

22 май 2013 йыл, 11:58

Башҡортостан вәкилдәре Дельфий уйындарынан миҙалдар менән ҡайтты

автор: Эльмира Сабирова

Башҡортостан вәкилдәре Новосибирскиҙа үткән Рәсәйҙең 12-се Дельфий йәштәр уйындарынан миҙал һәм ике диплом менән ҡайтты. Алтын наградаға Өфө сәнғәт училищеһынан Айҙар Хәйруллин лайыҡ булды, тип хәбәр иттеләр БР Мәҙәниәт министрлығының матбуғат хеҙмәтенән.

Йәнә ике ҡатнашыусы – Салауат музыка колледжынан баянсы (аккордеонсы) Артур Адршин һәм Урта махсус музыка колледжынан скрипкасы Анастасия Мәмәшева дипломдар менән бүләкләнде.

Шулай уҡ ошо көндәрҙә Новосибирскиҙа БДБ илдәренең «Сәнғәттә бул!» асыҡ Дельфий йәштәр уйындары тамамланды. Бында алтын миҙалға вокалсы Диләрә Иҙрисова лайыҡ булды. Айҙар Хәйруллин диплом менән наградланды.