10 декабрь, Шәмбе

21 май 2013 йыл, 16:21

Баш ҡаланың «Каруанһарай» сауҙа-эш комплексы янында халыҡ мәшғүллеге хеҙмәтенең мобиль офисы эшләйәсәк

автор: Галина Бахшиева

Шаршамбы, 22 майҙа, Өфөнөң «Каруанһарай» сауҙа-эш комплексы янында ҡаланың халыҡ мәшғүллеге хеҙмәтенең мобиль офисы эшләйәсәк. Сара Халыҡ-ара эшһеҙлектән яҡлау көнө сиктәрендә ойошторола.

«Башинформ» агентлығына Өфөнөң Халыҡты эш менән тәьмин итеү үҙәгенән хәбәр итеүҙәренсә, теләгән һәр кешегә төрлө дәүләт хеҙмәттәре күрһәтеләсәк. Улар араһында — вакансиялар эҙләү, һөнәри йүнәлеш биреү буйынса тестар үткәреү, консультация биреү.

Мобиль офис 14-17 сәғәттәрҙә эшләйәсәк. Барлыҡ хеҙмәттәр бушлай күрһәтелә.