9 декабрь, Йома

17 май 2013 йыл, 10:05

Илдар Замалетдинов БР Торлаҡ күҙәтеүе буйынса дәүләт комитеты рәйесе итеп тәғәйенләнде

автор: "Башинформ"

Башҡортостан Президенты Рөстәм Хәмитов 2012 йылдың 16 майындағы Указы менән бығаса БР Дәүләт торлаҡ инспекцияһы начальнигы вазифаһын биләгән Илдар Замалетдиновты Башҡортостан Республикаһының Торлаҡ күҙәтеүе буйынса дәүләт комитеты рәйесе итеп тәғәйенләне. Указ ҡул ҡуйған көндән үҙ көсөнә инде, тип хәбәр иттеләр төбәк башлығының матбуғат хеҙмәтенән.

Республика башлығының икенсе Указы менән БР Дәүләт торлаҡ инспекцияһы Башҡортостан Республикаһының Торлаҡ күҙәтеүе буйынса дәүләт комитеты итеп үҙгәртелде.

Биографик белешмә. Замалетдинов Илдар Ғәҙелйән улы 1958 йылда Ейәнсура районында тыуған. Башҡортостан ауыл хужалығы институтын тамамлаған. 2008 йылдан әлегә тиклем республиканың Дәүләт торлаҡ инспекцияһы начальнигы, баш дәүләт торлаҡ инспекторы булып эшләне.