9 декабрь, Йома

16 май 2013 йыл, 15:44

Сыуашстанда башҡорт фильмдары күрһәтеләсәк

автор: Алик Шакиров

Чебоксар халыҡ-ара кинофестиваленең ойоштороу комитеты «Башҡортостан» киностудияһын махсус программала ҡатнашыуға саҡырҙы. Фестиваль Чебоксар ҡалаһында 2013 йылдың 20-25 майында үтә.

«Башҡортостан» киностудияһынан хәбәр итеүҙәренсә, фестивалдә ике ҡыҫҡа метражлы фильм тәҡдим ителәсәк. Улар – «Карусель» (режиссеры Роман Пожидаев) һәм «Өйләнәм!» (режиссеры Таңсулпан Бураҡаева), шулай уҡ Вилюра Иҫәндәүләтованың «Рожденный дважды» исемле документаль фильмы.

«Рожденный дважды» фильмы бығаса VIII Ҡазан халыҡ-ара мосолман киноһы фестивалендә, XVIII «Сталкер» халыҡ-ара кеше хоҡуҡтары тураһындағы фильмдар фестивалендә, XI «Красногорский» халыҡ-ара спорт фильмдары фестивалендә ҡатнашты.

Чебоксар халыҡ-ара фестивале Сыуашстан Респубикаһында 26 майҙан 1 июнгә тиклем үтәсәк Башҡортостан Республикаһы көндәре алдынан ойошторола.